అత్యంత విలువైన ఐదు వజ్రాలు!

ఆదిమానవుల కాలంలో వజ్రం అంటే ఏమిటో దాని విలువ ఏమిటో ఎవ్వరికీ తెలీదు. నాగరకత పెరుగుతున్న కొద్దీ ఆభరణాల వాడకంలో వజ్రానికీ విలువ పెరిగింది. వజ్రాన్ని సానబట్టే కొద్దీ, దాని ఆకారం చిన్నదైన కొద్దీ విలువ రెండింతలవుతుంటుంది. అదీ వజ్రం గొప్పదనం.

వాస్తవానికి వజ్రానికి నిర్దిష్టమైన రంగు అంటూ ఉండదు. కాని మన కంటికి కనిపించే దానిని ఆధారం చేసుకుని అవి ఆయా రంగుల్లో ఉన్నట్లు భావిస్తాం. ఒకప్పుడు ప్రపంచంలో ఎక్కడా లేనంత విలువైన వజ్రాలు భరతమాతకు అలంకారంగా ఉండేవి. ఆంగ్లేయుల పరిపాలన కాలంలో... ప్రపంచంలోకెల్లా అతి విలువైన వజ్రాలు బ్రిటన్‌కు తరలివెళ్లాయి. అవన్నీ ఇప్పుడు వారికి పేరుప్రఖ్యాతులు తెచ్చిపెట్టాయి. నవరత్నాలలో వజ్రానిది అగ్రస్థానం. వజ్రపుటుంగరం ధరించడమంటే అది రాజరికానికి చిహ్నం. పూర్వం రాజుల కాలంలో శత్రువుల నుంచి ఆపద కలిగే సమయంలో శత్రువుకు చిక్కడం కంటె మర ణించడమే మేలని భావించి వేలికున్న ఉంగరంలోని వజ్రాన్ని మింగేవారట. ప్రస్తుతం ప్రపంచవ్యాప్తంగా అనేక విలువైన వజ్రాలున్నాయి. వాటిలో అత్యంత విలువైనవి ఐదు. అవి: హోప్ డైమండ్, కోహినూర్ డైమండ్, సాన్సీ డైమండ్, కలినాన్ డైమండ్, విటిల్స్‌బ్రాచ్-గ్రాఫ్ డైమండ్.

1. హోప్ డైమండ్: నీలిరంగులో ఉండే ‘హోప్ డైమండ్’ విలువ సుమారు 350 మిలియన్ల అమెరికన్ డాలర్లు. (సుమారు 1600 కోట్ల రూపాయలు). సీతాదేవి విగ్రహానికున్న కంటిలోనుంచి పాశ్చాత్యులు దీనిని తస్కరించినట్టు చరిత్ర చెబుతోంది. ప్రస్తుతం ఇది వాషింగ్టన్ మ్యూజియంలో ఉంది.

2. కోహినూర్ (మౌంటైన్ ఆఫ్ లైట్): పరిమాణంలో ప్రపంచంలోకెల్లా పెద్ద వజ్రం ఇది. శ్వేతవర్ణంలో ఉంటుంది. కాకతీయుల కాలంలో గుంటూరులో లభించింది. వెల అమూల్యం. లండన్ టవర్‌లో ఉంది.

3. సాన్సీ డైమండ్: లేత పసుపుపచ్చ రంగులో, షీల్డ్ ఆకారంలో ఉండే శాన్సీ డైమండ్ విలువ కూడా అమూల్యమే. ప్రస్తుతం ఇది పారిస్‌లోని లోవర్ మ్యూజియంలో ఉంది.

4. కలినాన్ డైమండ్: శ్వేత వర్ణంలో ఉండే దక్షిణాఫ్రికాకు చెందిన కలినాన్ డైమండ్ ప్రస్తుతం బ్రిటిష్ రాజకిరీటంలో ఉంది. దీని విలువ 400 మిలియన్ల డాలర్లు. (సుమారు 1800 కోట్ల రూపాయలకు పైగా)

5. విటిల్‌సబ్యాచ్ - గ్రాఫ్ డైమండ్: నీలివర్ణంలో ఉండే విటిల్స్‌బ్యాచ్ గ్రాఫ్ డైమండ్ ఇప్పుడు వాషింగ్టన్ మ్యూజియంలో ఉంది. రెండేళ్ల క్రితం నాటికే ఈ వజ్రం విలువను 16.4 మిలియన్ పౌండ్లుగా లెక్కించారు. (సుమారు 200 కోట్లకు పైగా).

Gold Mines Found at Marriage function in Kerala.

Marry a malayali girl and see how much gold he get...


















So Bachelors Register yourself on Kerala matrimony today .

Thank You

ఆ పిలుపును అందుకున్న వాళ్లలో నేనొకడ్ని * ' నెల్సన్ మండేలా : కన్వర్జేషన్స్ విత్ మైసెల్ఫ్'

చాలా ఏళ్లుగా మండేలాను నేను ఆరాధనా భావంతో చూస్తున్నాను. మన చుట్టూ ఉన్న ప్రపంచంలో స్పష్టంగా కనిపించే నిరాశా, నిస్పృహలకు ధీటుగా నిలిచి గెలిచిన జీవితం ఆయనది. ఒక ఖైదీ స్వేచ్ఛాజీవి అయ్యాడు.
చరిత్రను ప్రభావితం చేసి మార్చగలిగే నేతలు ఈ ప్రపంచంలో అతి కొద్దిమంది. వారి జీవితాలు లక్షల మందికి స్ఫూర్తిగా నిలుస్తాయి. అలాంటి వారిలో మండేలా ఒకరు. జాత్యహంకార ధోరణికి వ్యతిరేకంగా మండేలా చేసిన పోరాటం- దక్షిణాఫ్రికా దేశ చరిత్రనే మార్చేసింది. ప్రపంచంలోని కోట్లాది నల్లజాతీయులకు స్ఫూర్తిగా నిలిచింది. మండేలా జైలులో ఉన్న రోజులలో రాసిన ఉత్తరాలు, స్నేహితులతో జరిపిన సంభాషణలను గుదిగుచ్చి అందించిన పుస్తకమే- 'నెల్సన్ మండేలా : కన్వర్జేషన్స్ విత్ మైసెల్ఫ్'. దీనిలోని కొన్ని భాగాలను మీకు అందిస్తున్నాం..
(అమెరికా అధ్యక్షుడు ఒబామా రాసిన ముందుమాట నుంచి..)
"ప్రపంచంలో అనేక మంది మాదిరిగానే, మండేలా రాబిన్ ద్వీపంలోని జైలులో ఉన్నప్పుడు దూరం నుంచి చూస్తూ ఉండేవాడిని. మనలో చాలా మందికి మండేలా ఒక వ్యక్తి కాదు. దక్షిణాఫ్రికాలో న్యాయం కోసం, సమానత్వం కోసం, ఆత్మగౌరవం కోసం జరుగుతున్న ఉద్యమానికి ప్రతీక. ఆయన త్యాగం- మానవాభివృద్ధి కోసం ఏం చేయగలరో అది చేయండని ప్రపంచ ప్రజలందరికీ ఇచ్చిన ఒక పిలుపు.. ఆ పిలుపును అందుకున్నవారిలో నేను ఒకడిని. నేను కాలేజీలో చదువుకుంటున్న రోజుల్లో- దక్షిణాఫ్రికాలో జాత్యహంకారానికి వ్యతిరేకంగా జరిగిన ఉద్యమంలో నేను పాల్గొన్నాను.

రాజకీయంగా నా తొలి అడుగు అదే. జాత్యహంకార బాధితులు ప్రతి రోజూ అనుభవించే బాధలతో పోలిస్తే వ్యక్తిగతంగా నాకు ఎదురయిన అడ్డంకులు చెప్పుకోదగ్గవి కావు. ఒక జైలు గదిలో అంత కాలం మగ్గుతూ, ధైర్యం కోల్పోకుండా పోరాడటం కేవలం మండేలాకు మాత్రమే సాధ్యం. అయితే ఆయన జీవితం నాకో దారి చూపించింది. ఎలాంటి ప్రతికూల పరిస్థితులలోనైనా సత్యం వైపే నిలబడటం నేర్పింది. తాను తీసుకున్న నిర్ణయాల ద్వారా- ఈ ప్రపంచం ఎలా ఉందో అలాగే దానిని అంగీకరించాల్సిన అవసరం లేదని- మనం ఎలా ఉండాలనుకుంటున్నామో అలాగ మార్చవచ్చని మండేలా నిరూపించాడు.

చాలా ఏళ్లుగా మండేలాను నేను ఆరాధనా భావంతో చూస్తున్నాను. మన చుట్టూ ఉన్న ప్రపంచంలో స్పష్టంగా కనిపించే నిరాశా, నిస్పృహలకు ధీటుగా నిలిచి గెలిచిన జీవితం ఆయనది. ఒక ఖైదీ స్వేచ్ఛాజీవి అయ్యాడు. స్వేచ్ఛ కోసం పోరాడిన వ్యక్తి అందరినీ కలుపుకుపోవాలని వాదించాడు. ఒక పార్టీ నేత దేశాధ్యక్షుడయ్యాడు. పదవి నుంచి వైదొలగిన తర్వాత కూడా స్వేచ్ఛ, సమానావకాశాలు, ఆత్మగౌరవం కోసం కూడా పోరాడుతున్నాడు. ఈ ప్రపంచాన్ని, తాను పుట్టిన దేశాన్ని మార్చటానికి ఆయన ఎంతో చేశాడు. మండేలా లేని కొన్ని దశాబ్దాలను మనం ఊహించలేం.

కాలిఫోర్నియాలో విద్యార్థిగా దక్షిణాఫ్రికా జాత్యాహంకారంపై ఉద్యమించిన నేను.. అప్పటి నుంచి రెండు దశాబ్దాల తర్వాత రాబిన్ ద్వీపంలో మండేలా జైలు గదిలో నిలబడ్డాను. అంతకు ముందే నేను సెనేటర్‌గా ఎన్నికయ్యాను. అప్పటికే- మండేలా జైలుగది త్యాగానికి ఒక చిహ్నంగా మారిపోయింది. ఆ గదిలో నిలబడి- మండేలా ఖైదీ 466-44 గా ఉన్నప్పుడు పరిస్థితి ఎలా ఉండేదా అని ఊహించుకోవటానికి ప్రయత్నించాను. ఆ సమయంలో ఆయన విజయం ఒక అనిశ్చితి మాత్రమే. చరిత్రను మార్చిన మండేలా ఆ జైలు గదిలో ఎలా ఉండేవాడో తల్చుకోవడానికి ప్రయత్నించా.''

...ఈ పుస్తకంలో మండేలా తన జీవితంలో ఏ విషయాన్నీ దాచటానికి ప్రయత్నించలేదు. తాను పూర్తి ఫర్‌ఫెక్ట్ కాదని ఎప్పటికప్పుడు గుర్తు చేస్తూనే ఉన్నాడు. మనలాగానే ఆయనలో కూడా కొన్ని తప్పులున్నాయి. అయితే ఆ తప్పులు మనలో స్ఫూర్తిని రగిలిస్తాయి. మనకు మనం నిజాయితీగా ఉంటే- జీవితంలో చిన్నవో, పెద్దవో- సంఘర్షణలు ఉంటాయని తెలుసు. ఈ సంఘర్షణల ఫలితం ఎలా ఉంటుందో తెలియనప్పుడు కూడా పోరాడటం మండేలా మనకు నేర్పుతాడు. ఈ పుస్తకంలో ఉన్న కథ- మండేలా జీవితం మనకు చెప్పే కథ- ఎటువంటి తప్పులు చేయని వ్యక్తిది కాదు.

విజయం తప్పనిసరిగా వరిస్తుందని భావించే వ్యక్తిది కాదు. తాను నమ్మిన సిద్ధాంతానికి జీవితాన్ని ఫణంగా పెట్టిన వ్యక్తి కథ ఇది. ఈ ప్రపంచాన్ని అందరికి నివాసయోగ్యంగా చేయాలని ప్రయత్నించిన వ్యక్తి కథ ఇది. అదే మనకు మండేలా ఇచ్చే సందేశం. మార్పు అసాధ్యం అనిపించే రోజులు మనందరి జీవితాల్లో ఎదురవుతూనే ఉంటాయి. మన ప్రత్యర్థులు, మనలో ఉండే బలహీనతలు- బాధ్యతల నుంచి తప్పించుకోవటానికి సులభమైన మార్గాలను అవలంభించాలని ఊరిస్తూ ఉంటారు. మండేలా జీవితంలో కూడా అలాంటి రోజులు ఉన్నాయి. రాబిన్ ద్వీపంలోని జైలు గదిలో ఉదయాన్నే కొద్దిపాటి కాంతి కనిపించగానే- తాను చేస్తున్న త్యాగం వ్యర్థం కాదు అనిపించేలా ప్రకాశవంతమైన భవిష్యత్తు మండేలాకు కనిపించేది. ప్రతీకారం తీర్చుకొనే అవకాశం వచ్చినప్పుడు కూడా సర్దుబాటు ధోరణినే ఆయన అవలంభించాడు..''

జైలు గదిలో అంతర్ముఖుడు
మన గురించి మనం తెలుసుకోవటానికి, అంతర్ముఖులమై మన ఆలోచనలను, మన భావనలను వాస్తవిక అంచనా వేసుకోవటానికి జైలుగది ఒక మంచి అవకాశాన్ని ఇస్తుంది. సామాజికంగా ఎంత ఉన్నత స్థానంలో ఉన్నాం, మన పరపతి, పరువు ప్రతిష్టలు, సంపద, విద్యార్హతలు- మొదలైన అంశాల ఆధారంగా ఒక వ్యక్తిగా ఎంత అభివృద్ధి చెందామనే విషయాన్ని మనం మదింపు వేసుకుంటూ ఉంటాం. ఈ భౌతిక ప్రపంచంలో ఒక వ్యక్తి విజయాన్ని అంచనా వేయటానికి ఇవన్నీ అవసరమైనవే. వీటిని పొందటానికి వ్యక్తుల ఆతృత, వారు పడే తపన కూడా అర్థం చేసుకోదగినవే.

అయితే ఒక మనిషిగా మనం ఎంత ఎదిగాం అనే విషయాన్ని అంచనా వేయాలంటే మాత్రం- మన లోపలి విషయాలను మదింపు వేయాల్సిందే. నిజాయితీ, నిబద్ధత, నిరాడంబరత, నిగర్వం, వితరణ, నిరహంకారం, సేవ- మొదలైన లక్షణాలన్నీ అందరికీ అందుబాటులోనే ఉంటాయి. ఒక వ్యక్తి ఆధ్యాత్మిక జీవితానికి ఇవే పునాదులు. తీవ్రమైన అంతర్మథనం జరిగి- మనని మనం తెలుసుకొని, మన బలహీనతలను కనుగొని, మన తప్పులను తెలుసుకున్నప్పుడే పై లక్షణాలను పెంపొందించుకోగలం. ఒక వేళ ఇవేవీ గుర్తించలేదనుకుందాం.

అప్పుడు కూడా మనం ప్రతి రోజు ఎలా ప్రవర్తిస్తున్నామనే విషయాన్ని తెలుసుకోవటానికి జైలు గది ఉపయోగపడుతుంది. మనలో ఉన్న చెడును తొలగించుకోవటానికి.. మంచిని పెంచుకోవటానికి దోహదపడుతుంది. ఉదయాన్నే పదిహేను నిమిషాలు ధ్యానం చేస్తే చాలా ఉపయోగకరంగా ఉంటుంది. మన జీవితంలో ఉన్న ప్రతికూలాంశాలను గమనించటం మొదట్లో చాలా కష్టంగా ఉండొచ్చు. కాని పదే పదే ప్రయత్నిస్తే మాత్రం మంచి ఫలితాలు తప్పనిసరిగా వస్తాయి. మంచి లక్షణాలు అలవరచుకోవాలనుకుంటే పాపి కూడా యోగి అవుతాడనే విషయాన్ని ఎన్నడూ మర్చిపోవద్దు..

(విన్ని మండేలాకు 1975, ఫిబ్రవరి1 నాడు రాసిన లేఖలో..)
నెల్సన్ మండేలా : కన్వర్జేషన్స్ విత్ మైసెల్ఫ్
పేజీలు : 454
ప్రచురణ : మాక్‌మిలన్

అదిరేటి ... నగలు మీరేస్తే...

 

చిన్న చిన్న తీగల్లాంటి నగలను కాస్త పక్కన పెట్టేందుకు.. ఇది సరైన సమయం.. ఎందుకంటే కొత్త సంవత్సరం తనతో పాటు ఎన్నో కొత్త కొత్త ఆభరణాలను కూడా తీసుకొచ్చింది. ఇప్పుడంతా పెద్ద పెద్ద స్టోన్స్‌.. లేయర్స్‌... వైల్డ్‌ లుక్‌.. అంటున్నారు యువత.. కంటికింపైన రంగులు.. పూసలు.. రంగు రంగుల రాళ్లు... మోటిఫ్స్‌.. సిరామిక్‌ పువ్వులు... ఈ కొత్త సంవత్సరం మురిపించేందుకు ముస్తాబయి వస్తున్నాయి. సీతాకోక చిలుకలు.. నెమళ్లు... పురుగులను ఆభరణాలలో పొదిగి మనకు అందించేందుకు అనూషా మమోత్రా వీటికి సంబంధించిన ఎన్నో సంగతులను వివరిస్తున్నారు.

చివరిగా ఎప్పుడు మెటల్‌ గాజులను వేసుకున్నారో గుర్తుందా..! కాపర్‌, గ్రే కలర్‌లో వున్న ఆ గాజులను వీధిలో అమ్మే బండిపై కొనుక్కున జ్ఞాపకం ఇప్పటికే గుర్తే.. ధర కాస్త తగ్గించమంటూ అడిగినది ఇప్పటికీ ఫ్రెండ్సంతా కలిసినప్పుడు గుర్తు చేసుకోకుండా వుండలేరు.

 

కాలేజీకి వెళ్లేప్పుడు వేసుకున్న సీతాకోకచిలుక డిజైన్‌ చెయిన్‌ చూసి ఎంతమంది కాంప్లిమెంట్‌ ఇచ్చారో.. అది ఇప్పటికీ బాక్స్‌లో భద్రంగా వుంటుంది. అప్పుడు వేసుకున్న గాజులు, డెనిమ్‌ డ్రెస్‌, హెయిర్‌ క్లిప్స్‌, మెటల్‌ రింగ్స్‌ ఇలా ఒకటేమిటి అప్పట్లో ఆ ట్రెండే వేరు..! గుర్తు చేసు కుంటేనే ఎంత బాగుంటాయో.. ఆ సంగతులు...!

అలా అని ఇప్పుడు బాధ పడాల్సిన అవసరం ఏమీ లేదు. కాలేజీ రోజు లు మళ్లీ తిరిగి తెచ్చుకోవచ్చు. కాకపోతే కాలేజీకి వెళ్లలేం... అంతే ఆ జ్ఞాపకాలన్నీ అలాగే కంటిన్యూ చేయొచ్చు. నేడు అవే కొత్త ఫ్యాషన్‌గా మారిపోయాయి. 2011 చంకీ మెటల్స్‌, పెద్ద పెద్ద పూసలు, స్టెప్స్‌గా వచ్చే చెయిన్స్‌, వైల్డ్‌ ఆనిమల్స్‌ బొమ్మలు మురిపించేస్తున్నాయి. ఎక్కడ చూసినా దర్శనమిస్తున్నాయి.

కూల్‌... కూల్‌...

గోల్డ్‌, ఎల్లో, వైట్‌, పింక్‌, బ్లాక్‌ స్టీల్‌ లేదా కాపర్‌ కలర్‌ ఇలా రంగుల్లో మెటల్స్‌ వయ్యారాలు పోతున్నాయి. మెలితిరిగి మురిపిస్తున్నాయి. స్టెయిన్‌ లెస్‌స్టీల్‌తో తయారయిన చెయిన్స్‌, బ్రేస్‌లెట్లకు నడివయసు వారు సైతం సై అంటున్నారు. వీటిల్లోనూ సింగిల్‌, డబుల్‌ తిన్‌ అండ్‌ థిక్‌ డిజైన్స్‌లో లభ్యమవుతున్నాయి. వీటికి తోడుగా పెద్ద పెద్ద స్టోన్స్‌ తోడైతే ఆ అందమే వేరు అంటున్నారు డిజైనర్లు. ముందుగా మెటల్‌ని ఎంపిక చేసుకుని వాటికి తగిన విధంగా ముత్యా లు, డైమండ్స్‌, క్రిస్టల్స్‌, విలువైన రంగురాళ్ళను జత చేస్తారు. అవసరా న్ని బట్టి కొన్నిటికి యానిమల్‌ లుక్‌ ఇచ్చేందుకు కొన్ని రకాల సీతాకోక చిలుకలు, మిడతవంటి అందమైన ఆకారాలను వాటికి జతచేస్తారు.

బ్లాక్‌ మెటల్‌లో రింగ్‌ జతగా తయారైన ఆభరణాలను గనుక ధరిస్తే అది ఎటువంటి వస్త్రాలకైనా కొత్తదనాన్ని తెస్తుంది. ఇప్పటి ఫ్యాషన్‌ కూడా ఇది. ఆభరణాలలో ఇదొక సంచల విజయం కూడా. ఈ రకం ఆభర ణాలు ఎంతగా ఆదరణకు నోచుకున్నాయంటే వీటిలో డిజైన్లు కావాలం టూ ఎంతో ఆర్డర్‌ ఇచ్చి మరీ చేయించుకున్నారు అని డిజైనర్‌ అనూష అంటున్నారు.

దిగుమతిలోనూ...

కొన్ని ఆకర్షణీయమైన డిజైన్లు యుకె బ్రాండ్‌ ‘మావీ’ భారతదేశంలోనూ విడుదల చేసింది. ఇవి భారతదేశానికి ఈ సంవత్సరమే కొత్తగా దిగు మతి అయ్యాయి. ప్రస్తుతం ఇవే యువతను ఉర్రూతలూగిస్తున్నాయి. జ్యూయెలరీకి సరికొత్త దారులు ఏర్పాటు చేస్తున్నాయి. ప్రస్తుతం ఇవి స్టన్నింగ్‌ జ్యూయెలరీ ఎస్‌ఎస్‌11 రేంజ్‌లో దొరుకుతోంది. అందులో కొన్ని డిజైన్లు టూటీ ఫ్రూటీ సింగిల్‌ క్లా-సెట్‌, ముత్యాతలతో తయారైన రింగ్‌ నెక్‌లేస్‌ మరికొన్ని డిజైన్లు వున్నాయి. డైనమేట్‌ పెండెంట్‌తో తయారైన లేయర్‌ చెయిన్‌ మరింత అందంగా తయారైంది. పార్టీలో వేసుకునేందుకు వైల్డ్‌ లుక్‌గల ఆభరణాల తయారీలోనూ వీరు ఎంతో ముందున్నారు. మిగిలిన కలెక్షన్లలో గ్రిసోగానో, మటాస్సా గోల్డ్‌ ఆభర ణాలు వున్నాయి.

పెద్ద పెద్ద ఆభరణాలు...

ఇక పెద్ద సైజు వున్నవాటి వైపుకు వెళ్తే... ఇవి ఇప్పు డు ఓ ట్రెండ్‌ సెట్టర్‌గా మారాయి. వీటికి పెద్ద లీఫ్‌ బ్రూచ్‌ దీనికి డైమండ్స్‌ని జత చేశారు. గోల్డ్‌తో తీసిన పగడాలను పొదిగి బంగారం పూత పూశా రు. పగడాలతో అల్లిన అందమైన తీగలను వీటికి జతచేశారు. వీటన్నిటి కలిపి తయారు చేయడం వల్ల చూడగానే చూపరుల దృష్టిని ఆకర్షించేలా వుంటాయి ఇవి. ద్రాక్ష, ఆపిల్‌, ఆరెంజ్‌, వాటర్‌ మెలన్‌ ఆకాలలో రంగు రంగుల డిజైన్లలో తయార యిన నగలు మరింత అందంగా తయారవుతు న్నాయి. చిన్నపాటి అందమైన డిజైన్‌ కావాలనుకుంటే రోజ్‌ మురానో గ్లాస్‌ పెండెంట్‌తో కలిసి తయారయిన మెటల్‌ డిజైన్‌ ఎంతో బాగుటుంటుంది. ఇందులో డిజైనర్‌ మిరారి బంగారు తీగలను తీసుకుని నెమలి రంగుతో తయారయిన మోటిఫ్స్‌తో అందంగా అలంకరించారు.

లేయర్స్‌గా....

లేయర్స్‌గా నెక్లెస్‌ వేసుకుంటే ఆ అందమే వేరు. ఇం దులో మెటల్‌ బిబ్‌ నెక్లెస్‌ అనేది చాలా బాగుంటుంది. ఇందులోని రెండు లేయర్స్‌లోనూ డిఫరెంట్‌ లుక్‌ వుండేలా తీర్చిదిద్దారు. ముత్యాలతో తయారయిన కలర్‌ బీడ్స్‌, సిరామిక్‌ పువ్వులతో కలిపి వీటిని ఎంతో అందంగా తయారు చేశారు. మావీ నుండి విడు దలైన టూ పీస్‌ సెక్లెస్‌లో మల్టీ లేయర్‌ టస్క్‌ కామి యో ఛార్మ్‌ నెక్లెస్‌ ఎంతో బాగుంటుంది.

వైల్డ్‌ లైఫ్‌...

రెక్కలు ఆడిస్తున్న సీతాకోకచిలుకలు, చిన్నచిన్న పురు గులు, టైగర్స్‌ ఇప్పటి 2011 ట్రెండ్‌ లిస్ట్‌లో ముందుం డేవి. మీకు కావలసిన జంతువును బొమ్మను ఎన్ను కోవడమే ఆలస్యం. గుడ్లగూబ, మెటిఫ్స్‌ కూడా బాగా నేదొరుకుతాయి. ఎమరాల్డ్‌, ముత్యాలు, డైమండ్స్‌ని మిడతను పోలిన బ్రూచ్‌లు ఇప్పటికే వచ్చేశాయి.

గిరిజన తెగలు వేసుకునే...

అలంకరణలో గిరిజనులు వుపయోగించే పూసలు, రాళ్లు వంటివి ఇప్పటివి కాదు. పురాతన కాలం నుండి వున్నదే. వాటినే ఇప్పుడు ఎక్కువగా ఇ ష్టపడుతున్నారు. వీరు తయారు చేసే ఆభరణాలలో ఎక్కువగా లెదర్‌, సిల్క్‌, బీడ్స్‌, క్రిస్టల్స్‌ను వుపయోగిస్తుంటారు. సరైన రంగులు ఎన్నుకుంటారు కాబట్టే వాటికి అంతటి అందాన్ని వారు ఇవ్వగలుగుతారు అని డిజైనర్లు అంటున్నారు.

బ్లాక్‌ మెటల్‌లో...

టెక్నో కలర్స్‌ పింక్‌, ఆరెంజ్‌, గ్రీన్‌ రంగుల పూజలు వంటివి ఎక్కువగా వుపయోగిస్తున్నారు. ట్రైబల్‌ జ్యూ యెలరీ 2011లో మరింత ప్రాధాన్యతను సంతరించు కోనుంది. ఇందులోనూ సంప్రదాయ డిజైన్లను ఎక్కువగా తయారు చేస్తున్నారు. ఇక పుర్రె, డేంజర్‌ వంటి గుర్తులను ఇష్టపడేవారు లేకపోలేదు. వీరి కోసం కూడా ప్రత్యేక డిజైన్లను రూపొందిస్తున్నారు. మొత్తం మీద ట్రెండీగా ఉండాలనుకునే యువతకు అందుకు తగ్గ ఆభరణాలు అందుబాటులోకి వచ్చేసాయి. ఏ దుస్తులపైనైనా ఇట్టే ఇవి అమరిపోవడం విశేషం.

ఏడాదికి 700 'రోజు'లు

ఇదేంటి...ఇదెప్పట్నించి... కొత్త సంవత్సరం మొదలవడం మొదలవడం ఇలా మొదలైందేమిటి... రాత్రికి రాత్రి క్యాలెండర్ ఎవరైనా మార్చేశారా అని కంగారుపడొద్దు. భూభ్రమణం వల్ల ఏర్పడే పగళ్లు రాత్రుల గురించి కాదు ఇక్కడ మాట్లాడుతున్నది. అవి ప్రస్తుతానికి 365 రోజుల దగ్గరే నిలకడగా ఉన్నాయి. ప్రజలు తమ కోసం తాము సృష్టించుకున్న రోజులు ఇవి. కుటుంబం నుంచి విశ్వం దాకా తమకున్న అన్ని అనుబంధాలు, సమస్యల గురించి ఉత్సవాలు, ఊరేగింపులు సమావేశాలు జరుపుకోవడానికి కార్డులు, గిఫ్ట్‌లు ఇచ్చుకోవడానికి సొంతంగా రూపొందించుకున్న 'డే'లు ఇవి. అందుకే మనకిప్పుడు ఏదో ఒక 'రోజు' కాని రోజే లేదు.

ఆ 'రోజు'లే ఈ రోజులు. టీచర్స్ డే, చ్రిల్డన్స్ డే, వాలెంటైన్స్ డే, మదర్స్‌డే, ఫాదర్స్ డే లాంటి అందరికీ తెలిసిన రోజుల నుండి... పెక్యూలియర్ పీపుల్ డే లాంటి విచిత్ర రోజులు... కజిన్స్‌డే, హౌస్ వైఫ్స్‌డే, మదర్ ఇన్‌లాస్ డే లాంటి కొత్తరకం రోజులు... ఫన్ ఎట్ వర్క్ డే, వర్క్ లైక్ ఎ డాగ్ డే లాంటి సరదా రోజులు... చాక్‌లెట్ డే, మైసూర్‌పాక్ డే లాంటి తిండి రోజులు... చెట్టుల దినోత్సవాలు, పిట్టల దినోత్సవాలు... చెప్పుకుంటూ పోతే కాదేదీ రోజుకి అనర్హం అన్నట్టు ప్రతి అంశానికి ఓ రోజుంది. ప్రతి రోజుకి ఓ 'ప్రత్యేకత' ఉంది. చాలావాటికి రెండు, మూడు కూడా ఉన్నాయి. వాటన్నిట్నీ లెక్కిస్తే ఇంచుమించు ఏడొందలవుతున్నాయి. అందుకే ఏడాదికి ఇప్పుడు ఏడొందల రోజులుగా నిర్ధారించాం. ఆ రోజుల క్యాలెండర్ని తిరగేయడమే ఈ వారం కవర్‌స్టోరీ!

హ్యాపీ న్యూ ఇయర్! కొత్త సహస్రాబ్దిలోకి ప్రవేశించి అప్పుడే పదేళ్లయిపోయింది. రెండో దశాబ్ది మొదలై ఓ రోజు గడిచింది. ఈ ఏడు ఏమేం మంచి పనులు చేయాలనుకుంటున్నారు? మరీ ఎక్కువో కష్టమైనవో తీసుకోలేదు కదా. ఇదంతా ఎందుకంటారా. అవి గనక ఆచరణ సాధ్యం కానివని మీకనిపిస్తేనో, వాటికి కట్టుబడి ఉండే సీన్ మీకు లేదనిపిస్తేనో ఆ ఒట్టు తీసి గట్టుమీద పెట్టే రోజొకటి త్వరలోనే ఉంది. అదే 'డిచ్ న్యూ ఇయర్స్ రిజొల్యూషన్స్ డే'. సంక్రాంతి తర్వాత రెండోరోజే ... అంటే ఈ నెల పదిహేడున వస్తుంది. మ్యారథన్ పరుగు లాంటి పెద్దపెద్ద గోల్స్‌ను, చక్కదిద్దలేం అనుకున్న 'క్లిష్ట' సమస్యల్ని వదిలేసి మళ్లీ ఫ్రీ బర్డ్స్ అయిపోగల రోజు. బరువైన నిర్ణయాలను 15 రోజుల కంటే భరించలేరని గుర్తించి ఈ ఏర్పాటు చేసినట్టున్నారు. ఏమైతేనేం మంచి సౌలభ్యం మనందరికీ.

ఆ డే చేసుకోకపోయినా, అలాంటి రోజు ఒకటుందో లేదో తెలియకపోయినా ఎలాగూ అందరం ఆ పని చేస్తూనే ఉంటాం కాని దాని కన్నా ముందు జనవరిలో మరో రెండుమూడు రోజులున్నాయి. రేపు 'హ్యుమిలియేషన్ డే'. అంటే ఆ రోజు ఎవరినో ఒకరిని మానసికంగా హింసించాలని కాదు. ఎవరినీ మనోవ్యధకి గురి చేయకూడదని చెప్పడమే ఆ రోజు ఉద్దేశం. ఈ 'రోజు'ని కెనడాలో అయితే జూలై ఒకటిన జరుపుకుంటారు. చైనీయుల ప్రవేశాన్ని నిషేధిస్తూ కెనడా ప్రభుత్వం గతంలో ఒకసారి ఆదేశాలు జారీ చేసిందట. ఆ నిర్ణయానికి నిరసనగా కెనడాలో ఉంటున్న చైనీయులు 1923 నుంచి ఈ హ్యుమిలియేషన్ డేని జరుపుకుంటున్నారు. అందుకే కొత్త సంవత్సరం నాడు తీసుకున్న ఎన్ని నిర్ణయాలను గాలికి వదిలేసినా హ్యుమిలియేషన్ డే నాడు మాత్రం గట్టిగా నిర్ణయించుకోండి ఎవరినీ నొప్పించ కూడదని.

అంతటితో ఆగిపోకుండా దాన్ని పాటించడానికి గట్టిగా ప్రయత్నించండి. ఒకవేళ దాన్ని పాటించకుండా ఎవరినైనా హింసించారో మీ గురించి 'పెక్యూలియర్ క్యారెక్టర్'రా బాబూ అని చెప్పుకుంటారు. అంటే మీరు 'ఆడంతే అదో టైపు' అయిపోతారు. అలాంటి అదో టైప్ వాళ్లకి కూడా ఒక రోజుంది. అదే పెక్యూలియర్ పీపుల్ డే. జనవరి పది. ఇలాంటి రోజులు ఉన్నాయా అనిపిస్తోందా. మీ అనుమానం పాడుగాను. ఇలా ప్రతి దాన్ని అనుమానించే వాళ్లకోసం కూడా ఓ రోజుంది. అదే 'ఇంటర్నేషనల్ స్కెప్టిక్స్ డే'. అంతర్జాతీయ అనుమానస్తుల(సంశయవాదుల) దినోత్సవమన్న మాట.

మరో రోజుకి వెళ్లిపోదామా!
మనకి బాగా నచ్చిన వాళ్లని ఒక్కసారైనా కౌగలించుకోవాలని ఎవరికైనా అనిపిస్తుంది. ఆలింగనం చేసుకోవడం ఎంత బాగుంటుందో రంజాన్ రోజు చిట్టిపొట్టి చిన్నారులు ఒకరినొకరు కౌగలించుకోవడం చూసినపుడు అనిపిస్తుంది. మీరూ అలాగే జనవరి 21న ఒక్కసారి కౌగలించుకోండి. ఎందుకంటే ఆ రోజు నేషనల్ హగ్గింగ్ డే. వివరాలు కావాలంటే నేషనల్ హగ్గింగ్ డే వెబ్‌సైట్‌కి వెళ్లండి. ఎవర్నయినా కౌగిలించుకోవచ్చా భార్యాభర్తలు మాత్రమేనా అని డౌట్ వచ్చింది కదూ మీకు! వాళ్లకు విడిగా ఒక రోజుంది. జనవరి 26.. మన రిపబ్లిక్ డే నాడే 'స్పౌజెస్ డే' కూడా. ఆ రోజు రావడం కూడా మంచిదే లెండి. ఎందుకంటే ఆ రోజు మనకు హాలిడే కాబట్టి ప్రత్యేకంగా ఉద్యోగానికి సెలవు పెట్టాల్సిన అవసరం ఉండదు.

సో... కపుల్స్ ఎంజాయ్ యువర్ డే. వాళ్లను వదిలేసి పని దగ్గరికి వద్దాం. పనే ఫన్‌గా ఉంటే ఎంత బాగుంటుంది అనే ఆలోచన ఎప్పుడైనా వచ్చిందా మీకు? అప్పుడు ఆఫీసంటే ఇష్టం పెరుగుతుంది. అలాంటి ఇష్టం ఎంతమందికి ఉందో చూద్దామని కాబోలు 'ఫన్ ఎట్ వర్క్ డే' అని పెట్టారు. అంటే పని మానేసి ఫన్‌గా గడిపేయమని కాదు. పనినే ఫన్‌గా ఇష్టపడి చేయమని. ఒకరోజు ఇష్టంగా చేసినపుడు రెండో రోజు మాత్రం ఎందుకు చేయలేం అనుకుంటూ ఇక ప్రతి రోజూ మంచిగా చేయొచ్చు. ఒక్క నెల లోనే ఇన్ని 'డే'లున్నాయా అనుకుంటున్నారా. అప్పుడే ఏం చూశారు... ఇంకా చాలా ఉన్నాయి.

ఇక ఫిబ్రవరిలోకి ఎంటరవుదాం

ఫిబ్రవరి 14న వాలెంటైన్స్ డే అని ప్రేమికుల పుణ్యమా అని అందరికీ తెలుసు కాని 4న వరల్డ్ క్యాన్సర్‌డే అని ఎంతమందికి తెలుసు? ఏటా లక్షల మందిని బలి తీసుకుంటున్న క్యాన్సర్ గురించి అవగాహన పెంచడానికి రోజూ కృషి చేసేవాళ్లున్నా ఆ ఒక్కరోజు అందరి దృష్టినీ దాని మీద ఫోకస్ అయ్యేలా చేసిన ఏర్పాటు అది. ఇకపోతే ఫిబ్రవరి 12 డార్విన్ పుట్టిన రోజు. జీవ పరిణామ సిద్ధాంతాన్ని ప్రతిపాదించిన మహానుభావుని గురించి పిల్లలందరికీ తెలియడం కోసమే కాక సైన్స్‌ను, హేతువును పెంపొందించేందుకు గాను డార్విన్ డేను సెలబ్రేట్ చేసుకుంటారు. తెల్లారితే మరో పండుగ ఉంది. మీలో ఎవరికైనా మీ పెద్దవాళ్లు పెట్టిన పేర్లు నచ్చకపోతే ఈ రోజు మీ కోసమే.

అదే 'గెట్ ఎ డిఫరెంట్ నేమ్ డే'. అంతా నచ్చింది కాని, నీ పేరేం బాలేదు అనే బోయ్ ఫ్రెండ్స్, గర్ల్ ఫ్రెండ్స్ వాలంటైన్‌డేకి ఒక రోజు ముందే కొత్త పేరు పెట్టేసుకోండి. ఇప్పుడు ఏం నచ్చలేదంటారో చూద్దాం. 21న 'అంతర్జాతీయ మాతృభాషా దినోత్సవం' ఉంది. 'నాక్ తెల్గు రాదు' అనే తెలుగు వాళ్లందరూ ఈ రోజుని తప్పకుండా గుర్తుంచుకోండి. తెలుగుని తెల్గు చేయకండి. ఆ రోజుకి ఓ రోజు ముందు 20న 'లవ్ యువర్ పెట్ డే', ఒక రోజు తర్వాత 22న 'వాకింగ్ ది డాగ్ డే' కూడా ఉన్నాయి. చూడబోతే ఈ రెండు రోజులూ పెంపుడు జంతు ప్రేమికుల సృష్టో, లేక వాటిని, వాటి ఫుడ్‌ని అమ్మేవారి సృష్టో అనిపించట్లా! 'డే'ల వెనక వ్యాపార ప్రయోజనాలు ఉండడం రహస్యం కాదనుకోండి.

మార్చి-ఏప్రిల్
మార్చి మూడోతేదీ జాతీయ గీత దినోత్సవం. పాడడం తగ్గిపోయాక యేటా దాని గురించి ఒక రోజయినా గుర్తు చేసుకోవాల్సిన అగత్యం ఏర్పడింది. నిద్ర లేచాక అటెన్షన్‌లో నిలబడి పాడేస్తే ఒక పనైపోతుంది.
దాని తర్వాత చెప్పుకోదగిన రోజు డెంటిస్ట్స్ డే-ఆరో తేదీన. బహుశా దీనికి చొరవ తీసుకున్నది టూత్‌పేస్ట్ వ్యాపారులై ఉంటారు. లేకపోతే మిగతా వాళ్లకేం పట్టింది మన దంతాలు బాగున్నాయో లేదో చూడడానికి.
ఏప్రిల్ ఒకటో తేదీ గురించి ప్రత్యేకంగా చెప్పనవసరం లేదు. కానీ నాలుగో తేదీ గురించి మాత్రం తప్పక చెప్పుకోవాలి. ఎందుకంటే ఆ రోజు 'టెల్ ఎ లై డే'... అబద్ధం చెప్పడానికి అధికారికంగా అనుమతి లభించిన రోజు. 'సత్యమునే పలుక వలెను' అని పెద్దవాళ్లు, టీచర్లు చేసిన హితబోధల్ని ఈ రోజు పట్టించుకోకండి. అబద్ధమాడేసేయండి. కాని జస్ట్ ఈ ఒక్క రోజే. ఒక్క అబద్ధమే. గుర్తుంచుకోండి లై అన్నారుగాని లైస్ అనలేదు. అబద్దమాడిన తర్వాత ఆ నేరాన్ని మరొకరి మీదకి నెట్టడం చాలామందికి అలవాటు. అలాంటి వారికోసం మరో రోజు ఉంది. 'బ్లేమ్ సమ్ వన్ ఎల్స్ డే'. నేరం ఇతరుల మీదికి నెట్టేయగల ఆ రోజు ఏప్రిల్ పదమూడున వస్తుంది. ఇన్ని చేసినా ఏప్రిల్ 30న మాత్రం ఆనెస్ట్‌గా ఉండండి. ఎందుకంటే ఆ రోజు 'నేషనల్ ఆనెస్టీడే'.

మే... మంచి మగాడివైపో
మేడే అంటే రిక్షా వాళ్లు జరుపుకునే పండగేనా అని ఓ చదువుకున్న అమాయకురాలు ఒకసారి అడిగింది. కాదమ్మా కాదు... శ్రామికులందరి పండగ అది. అందుకే దానిని కూడా కాస్త గుర్తుంచుకోండి. లేకపోతే చదువుకున్న అజ్ఞానులుగా మిగిలిపోతాం. శ్రామికుల గురించి తెలుసుకున్న తెల్లారే 'బ్రదర్స్ అండ్ సిస్టర్స్ డే' అని మరిచిపోకండి. అది మన రాఖీ పండగ లాంటిది. ప్రేమానుబంధాల్ని గుర్తు చేసుకోవడానికి ఎన్ని డేస్ ఉంటే అంత మంచిదే కదా. ప్రేమ ఉందని అస్తమానం పనిచేయించుకుంటే కుదరదు బ్రదర్ అని చెప్పడానికి ఆడవాళ్లంతా కుమ్మక్కై మే 10న 'క్లీన్ యువర్ రూమ్ డే' అని ఒకటి సృష్టించారు. కనీసం ఆ రోజన్నా మీ రూమ్ మీరు చిమ్ముకోండి అని చెప్పాల్సి వచ్చిందంటే మగవాళ్ల బద్ధకం ఎంత పేరుకుపోయిందో ఊహించండి. తల్లిదండ్రులు, భార్యలు అందరూ ఈ రోజు కోసం చాలా ఎదురుచూస్తారట.

'విజిట్ యువర్ రిలెటివ్స్ డే' అంటే చుట్టాలింటికి వెళ్లే రోజు మే 18న వస్తుంది. ఈ రోజుల్లో ఎవరికి వారైపోయారు కదా. బంధాలు అనుబంధాలు తగ్గిపోతున్నాయి. అందుకే తయారైంది ఈ రోజు. కనీసం ఆ రోజన్నా మీ వాళ్లని గుర్తు తెచ్చుకుని వారిళ్లకి వెళ్లండి. వెళ్లే వాళ్లు వట్టి చేతులతో వెళ్లరు కాబట్టి ఏ వ్యాపారి మదిలో మెదిలిన ఆలోచనో ఈ రోజై కూర్చుంది.

జూన్-జూలై
రక్తసంబంధాల్ని దేవుడు ఏర్పరుస్తాడు కానీ స్నేహబంధాల్ని ఏర్పరుచుకోవడం పూర్తిగా మన మీదే ఆధారపడి ఉంటుందంటారు. ఫ్రెండ్‌షిప్‌డే కాక 'బెస్ట్ ఫ్రెండ్స్ డే' అని మరొకటుందని తెలుసా? అది జూన్ 8న వస్తుంది. 'ఫ్రెండ్స్‌లో బెస్ట్ ఫ్రెండ్స్ డిఫరెంటయా' అనుకునే వారంతా ఆ రోజుని సెలబ్రేట్ చేసుకోండి. ఇంకాస్త ముందుకు వెళితే జూన్ 26న వస్తుంది 'బ్యూటీషియన్స్ డే'. మీరు వెళ్లే బ్యూటీ పార్లర్‌లో కొత్త ఆఫర్లేమైనా ఉండొచ్చు అప్పుడు. అవి ఉన్నా లేకపోయినా మీ బ్యూటీషియన్‌కి విషెస్ చెప్పడం మర్చిపోకండి. ఆ రోజుకి ఇంకో ప్రత్యేకత కూడా ఉంది. అదే 'ఫర్‌గివ్‌నెస్ డే'. కోపాలు ఎన్నాళ్లని మనసులో దాచుకుంటారు అన్నిట్నీ కలిపి ఆ రోజు మీకు హాని చేసిన వారందరినీ కలిపి ఒకేసారి క్షమించేసెయ్యండి. మీలో కొత్తగా పుట్టుకొచ్చిన గొప్ప గుణాన్ని మీరే పొగుడుకోండి.

జూన్‌లోకెళితే... అన్నీ పెద్దవాళ్ల పండగలే ఒక్క 'కజిన్స్ డే' తప్ప. మదర్స్‌డే, ఫాదర్స్‌డే వేర్వేరుగా జరుపుకున్న మీరంతా జూలై నాలుగో ఆదివారం రెండూ కలిపి పేరెంట్స్ డే చేసుకోండి. ఆ తర్వాత రెండు రోజులకి వచ్చే 'ఆంట్స్ అండ్ అంకుల్స్ డే'కి వారికీ విషెస్ చెప్పేసెయ్యండి. ఇక ముప్పయ్యో తారీకున మామగార్ల రోజు...'ఫాదర్ ఇన్ లాస్ డే'. మీ జీవిత భాగస్వామి దృష్టిలో మంచి మార్కులు కొట్టేయాలంటే వీరికి శుభాకాంక్షలు చెప్పడం అస్సలు మరిచిపోవద్దు.

ఇక ఆగస్ట్‌లోకి...
ఆగస్టు అనగానే మనకు గుర్తుకొచ్చేది స్వాతంత్య్ర దినోత్సవం. దానికి పది రోజుల ముందు 5న 'వర్క్ లైక్ ఎ డాగ్ డే' ఉందని మర్చిపోకండి. అంటే మరేం లేదు. కుక్కలా పని చేసెయ్యమనే. ఎప్పుడూ పని గురించేనా... జనవరిలోనే కదా ఫన్ ఎట్ వర్క్ డే వచ్చింది అనుకుంటున్నారా. ఆ రోజు ఆ రోజే. ఈ రోజు ఈ రోజే. దేని ప్రత్యేకత దానిదే. పని పక్కన పెట్టి చదువు మీద మనసుపెడదామనుకునే వారికోసం ఆగస్టు తొమ్మిదిన 'బుక్ లవర్స్ డే' ఉంది. ఇప్పటి తరం పుస్తకాలు చదవడం తగ్గిపోయిందని పెద్దోళ్లు వాపోతున్నారు కాబట్టి కనీసం వారికోసమైనా ఈ ఒక్కరోజు ఓ పుస్తకం చదివేసేయండి.

పన్నెండో తారీకున 'మిడిల్ చైల్డ్స్ డే' ఉంది. పెద్దోళ్ల, చిన్నోళ్ల మధ్య నలిగిపోయి వారికంటూ ప్రత్యేక గుర్తింపు లేదని వాపోయే నడిమి సంతానం కోసం వెలిసిందే ఈ రోజు. వీలైతే అలాంటి 'నడుమ రాయుళ్ల'ందరూ కలిసి ఒక ఆర్గనైజేషన్ లాంటిదేమైనా పెట్టేసెయ్యండి. మీకు ఇంట్లో దక్కాల్సిన గౌరవం దక్కకపోతే మీ హక్కుల కోసం పోరాడండి. మీ సమస్యలు సరే... 'లెఫ్ట్ హ్యాండర్స్' సంగతేంటి అని ఎడమ చేతి వాటం వాళ్లు అంటున్నారా! రేపు అంటే 13 మీ రోజే. రాజకీయాల్లో బరాక్ ఒబామా, క్రికెట్‌లో బ్రియాన్ లారా, టెన్నిస్‌లో రఫెల్ నదాల్ మా వాళ్లే అని గొప్పగా చెప్పుకోండి. ఇవన్నీ సరే 21న మాత్రం అందరూ 'సీనియర్ సిటిజన్స్ డే'ని తప్పకుండా జరుపుకోండి. ఇంకా ముసలివాళ్లం కాలేదుగా అనుకునే వాళ్లందరూ గుర్తు పెట్టుకోవాల్సిన విషయమేమిటంటే ఏదో ఒక రోజు అయితీరతారని. ఆ 'రోజు' గురించి ఇవాళ్టి నుంచే అవగాహన పెంచుకోండి మరి.

పేపర్‌బాయ్‌కు సెప్టెంబర్ వందనం
సెప్టెంబర్ 4 'న్యూస్ పేపర్ క్యారియర్ డే'. చేతుల్తో కళ్లు నులుముకుంటూ, నోరు పెద్దగా తెరిచి ఆవలిస్తూ న్యూస్‌పేపర్ కోసం వెతికే మనబోటి వాళ్లం అది కనబడకపోతే ఎంత అసహనానికి గురవుతామో వేరే చెప్పాలా. అందుకే పేపర్ బాయ్‌ని ఆ ఒక్క రోజైనా గౌరవిద్దాం. అమెరికాలో 1833లో న్యూయార్క్ సన్ పత్రిక కోసం పని చేసిన పేపర్ బోయ్ Barney Flaherty గౌరవార్ధం ఈ రోజుని జరుపుకుంటారు. పాల వాళ్లకి, పనిమనుషులకి కూడా ఓ రోజు ఉంటే ఎంత బాగుండో కదా అనిపిస్తుంది ఇది వింటుంటే. అలాంటి ఐడియాలు ఎన్నున్నా పదో తారీకున మాత్రం వాటిని ఒకరితో ఒకరు పంచుకోండి. ఎందుకంటే ఆ రోజు 'శ్వాప్ ఐడియాస్ డే'. మరో మూడు రోజులకి 'పాజిటివ్ థింకింగ్ డే' కూడా ఉంది. ఆ రోజన్నా పాజిటివ్‌గా ఆలోచించండి అని జనానికి చురక కాబోలు. ఇలా ఆలోచనలు పంచుకుంటూ అక్టోబరులో అడుగుపెట్టండి.

అక్టోబర్‌లో బాస్‌లూ...అత్తలూ
అక్టోబర్ 1న ప్రపంచ శాకాహార దినమైతే...రెండో రోజు గాంధీ జయంతి. అదే రోజు 'నేమ్ యువర్ కార్ డే '. జీవులకి పెట్టినట్టు మీ కారుకీ ఓ పేరెట్టేసేయండి. కార్లకి పేర్లేంటి అని నవ్వొద్దు. నవ్వులకు వేరే దినోత్సవం ఉంది. అదే అక్టోబర్ ఏడు. 'ప్రపంచ నవ్వుల దినోత్సవం'. ఇదే నెలలో 16 'బాస్‌ల దినోత్సవం', నాలుగో ఆదివారం నాడు 'అత్తల దినోత్సవం' కూడా ఉన్నాయి. రెండింటికీ పెద్ద తేడా లేదనిపిస్తోందా. అవును ఆఫీస్‌లో అసలు బాస్, ఇంట్లో కొసరు బాస్... ఆడవాళ్లకు ఇద్దరితోనూ సఖ్యంగా ఉండక తప్పదు మరి. ఎవరితో మంచిగా ఉండక పోయినా తంటాలే కాబట్టి ఈ రెండు రోజుల్నీ సెల్‌ఫోన్లో రిమైండర్లలో పెట్టుకోండి. గిఫ్టులతోనో వినయ విధేయతలతోనో వారి మనసుల్ని గెలవండి. వారి అభిమానం పొందితే లైఫ్‌లో సగం సక్సెస్ సాధించినట్టే.

నవంబర్‌లో పిల్లలూ, గృహిణులూ
అన్నట్టు హౌస్‌వైఫ్‌లకూ ఓ రోజుంది. నవంబర్ మూడే మీ రోజు. మీ సంగతి అటుంచితే నవంబర్‌లో మీ పిల్లలకి రెండు 'రోజు'లున్నాయి. 14న మన దేశంలో బాలల దినోత్సవం అయితే, 20న అంతర్జాతీయ బాలల దినోత్సవం. అన్ని రోజులూ మీవే అంటూ రెండు రోజులే ఇవ్వడమేమిటి, అందులో ఒక రోజు సెలవు ఇవ్వడమేమిటి అని గొణుక్కోకండి. రోజూ స్కూలు ఎగ్గొడితే ఎవరు చదువుకోవాలి? పెద్దవాళ్లా?

డిసెంబర్‌లో పూర్వీకులు
మొదటి రోజే ఎయిడ్స్ అవగాహనా దినోత్సవం అని తెలుసుగా... ఆ సంగతి ప్రభుత్వాలకి కానీ మనకు అవసరం లేదనుకోకండి. మీ వంతు కృషి మీరూ చేయండి. చెప్పుకోవాలంటే చాలానే ఉన్నా కాస్త ముందుకెళ్లిపోతే.. 21న 'ఫోర్ ఫాదర్స్ డే' ఉంది. పూర్వీకుల దినోత్సవం. ఏడాదంతా మన ముందు తరాల వారిని మరిచిపోయినా ఏడాది చివరిలోనన్నా ఒక్కసారి గుర్తు తెచ్చుకోవాలనేమో ఈ 'డే'ని ఇంత చివర చేర్చారు. లాస్ట్ బట్ నాట్ లీస్ట్ అంటారుగా అందుకే వారినీ ఓ సారి గుర్తు తెచ్చుకోండి. చిన్నప్పుడు నానమ్మ తాతయ్యలతో గడిపిన క్షణాల్ని నెమరు వేసుకోండి. ఆ జ్ఞాపకాల్లో మునిగి తేలుతూ డిసెంబర్ 31 దాకా వెళ్లిపోండి. కొత్త సంవత్సరంలో ఏం చేయాలో, ఏం చేయకూడదో మళ్లీ కొత్త నిర్ణయాలు తీసుకోండి... ఆ తర్వాత అని అడక్కండి... సేమ్ స్టోరీ చదువుకోండి.

***
శాంపుల్‌గా కొన్నే చెప్పాం. ముందే చెప్పినట్టు నిజానికివి ఏడొందల దాకా ఉన్నాయి. అందుకే 'ఏడాదికి ఏడొందల' రోజులు అన్నది. భవిష్యత్‌లో ఇవి రెట్టింపు అయినా ఆశ్చర్యం లేదు. మానవాళి మరిచిపోకూడని విషయాల సంఖ్య పెరిగే కొద్దీ సహజంగానే వీటి సంఖ్యా పెరుగుతూనే పోతుంది. ప్రజల్లో అవగాహన పెంచేందుకు, ప్రమాదాల గురించి హెచ్చరించేందుకు ప్రత్యేక దినోత్సవాలు పుట్టుకు రావడం ఇటీవలి ధోరణి. రకరకాల వ్యాధుల గురించి, పర్యావరణానికి రాగల ముప్పు గురించి 'డే'లు ఏర్పడడం ఈ ధోరణిలో భాగమే. అందుకే నెలలో ముప్పయి రోజులే ఉన్నా ఒక్కో రోజుకు రెండు మూడు ప్రత్యేకతలు ఉంటున్నాయి.

ఏ నెలలో ఎన్ని?
ప్రముఖ సోషియాలజిస్టు, జ్యోతిష శాస్త్రవేత్త అయిన బ్రాడ్‌లీ హర్టెల్ 8 సంవత్సరాలు 'కార్డ్ ఇండస్ట్రీ'పై పరిశోధన చేసి ప్రత్యేకమైన రోజుల గురించి ఎన్నో విషయాలు తెలియజేశాడు. ఆయన చెప్పిన జాబితా ప్రకారం ఏ నెలలో ఎన్ని స్పెషల్ డేస్ ఉన్నాయో చూడండి.
జనవరి-48
ఫిబ్రవరి-54
మార్చి- 60
ఏప్రిల్-77
మే-71
జూన్-50
జులై-57
ఆగస్టు-44
సెప్టెంబర్-64
అక్టోబర్-66
నవంబర్-59
డిసెంబర్-56

మద్యం ముచ్చట్లు

ఆల్కహాల్ ప్రియులకి మన దేశంలో లభ్యమయ్యేవి విస్కీ, బ్రాందీ, జిన్, రమ్, బీర్‌లు మాత్రమే. కాని ఇవేకాక వివిధ దేశాల్లో ఇతర రకాల మద్యాలు కూడా తయారుచేస్తున్నారు. అవి మన దేశంలో సామాన్యులకి లభ్యంకావడం లేదు.
1. సాకీ- జపాన్
జపనీస్ భాషలో ‘నిహోంఘా’గా పిలిచే సాకీలో 17% ఆల్కహాల్ ఉంది. ఏడో శతాబ్దంలో క్యోటో నగరంలోని ఇంపీరియల్ పేలస్‌లో దీన్ని మొదటిసారిగా తయారుచేసారు. బియ్యంతో చేసే సాకీ పారదర్శకంగా ఉండే ద్రవం. దీంట్లో అనేక వెరైటీలున్నాయి. జపాన్‌లోని 1600 బ్రూవరీలలో సాకీ తయారవుతుంది.
2. గిన్నిస్-ఐర్లండ్
డబ్లిన్‌లో కనిపెట్టబడ్డ గిన్నిస్‌ని వేయించిన బార్లీని మాల్ట్‌చేసి, దానికి హాప్స్, నీరుని కలిపి తయారుచేస్తారు. ఈ ద్రవం నల్లగా ఉంటుంది. ఎందుకంటే, కాఫీగింజల్లా వేయించిన బార్లీ నల్లగా ఉంటుంది కాబట్టి. దీని నురగ మాత్రం తెల్లగా ఉంటుంది. ఇది బీర్ తరగతికి చెందింది.
3. బీర్- బెల్జియం
బెల్జియంలో 450 రకాల బీర్లని, వాటిని తాగేందుకు అన్ని రకాల గ్లాసులని తయారుచేస్తారు. నెపోలియన్ ఫ్రాన్స్‌ని పాలించే రోజుల్లో అక్కడినుంచి బెల్జియంకి పారిపోయి వచ్చిన క్రైస్తవ సన్యాసులు ఇక్కడ బీర్‌ని తయారుచేసేవారు. లేత బంగారు రంగులో, నురగలో ఉండే ఈ బీర్‌లో కొత్తిమీర లాంటి మూలికలు కూడా వేస్తూంటారు. గ్లాసునిబట్టి ఏ రకం బీర్‌ని తాగుతున్నారో గ్రహించవచ్చు.
4. ఆబ్సింతే- చెక్ రిపబ్లిక్
పందొమ్మిదో శతాబ్దంలో యూరప్ దేశాల్లో నిషేధించిన ఆబ్సింతే అనే ఆల్కహాల్, చెక్ రిపబ్లిక్‌లో తయారుచేస్తారు. నిషేధానికి కారణం దీంట్లో ఆల్కహాల్ శాతం 45% నుంచి 74%దాకా ఉంటుంది. మూలికల, ఆకులు, పువ్వులతో వాటి రుచి వచ్చేలా తయారుచేసే ఆబ్సింతే, ఆకుపచ్చ రంగులోకాని, రంగు లేకుండా కాని ఉంటుంది.
5. బర్గండీ వైన్- ఫ్రాన్స్
ఫ్రాన్స్‌లోని బేర్‌గోగ్నే అనే ప్రాంతంలో పండే ద్రాక్షతో తయారుచేసే ఈ వైన్ రుచి ప్రపంచంలో మరి ఇంకే వైన్‌కీ రాదు. సున్నపు రాతి నేలలో గుర్తించిన ప్రాంతంలోనే పండే ద్రాక్షపళ్ళతో చేసిన వైన్‌నే బర్గండీ వైన్ అంటారు. ఈ ప్రాంతంలోని ద్రాక్ష తోటలన్నీ తొలుత చర్చి ఆధీనంలో ఉండేవి. ఇక్కడ రెడ్ బర్గండి, లైట్ బర్గండి అనే రెండు రకాల వైన్‌లు తయారవుతాయి.
6. బెచెరోకో- చెక్ రిపబ్లిక్
36% ఆల్కహాల్ గల బెచెరోకాని తయారుచేసే పద్ధతి ప్రపంచంలో కేవలం ఇద్దరికే తెలుసు. దీన్ని బ్రూవరీలోకి వచ్చి వారిద్దరే దీన్ని వర్కర్స్ సహాయంతో తయారుచేస్తారు. అనేక రకాల మూలికలని, మసాలా దినుసులని ఓ చిన్న గోదాంలో ఉంచి ఆల్కహాల్‌తో వారంపాటు దాన్ని నాననిస్తారు. ఆ ఆల్కహాల్‌కి నీరు, చక్కెర కలిపి ఓక్ బేరల్స్‌లో రెండు నెలలు నిలువ ఉంచుతారు.
7. కైపి రోస్కా- బ్రెజిల్
ఓడ్కా, నిమ్మ రసం, చక్కెర కలిపి చేసే ఇది నిజానికి ఓ కాక్‌టెయిల్. బ్రెజిల్ దేశంలోని అన్ని బార్లలో క్లబ్‌లలో దీన్ని సర్వ్ చేస్తారు. ఇటీవలే ఇది ప్రపంచానికి తెలిసి, మిగిలినచోట్ల కూడా లభ్యం అవుతోంది.
8. జార్జి డికెల్ టెనె్నట్ విస్కీ- అమెరికా
1870లో జార్జి డికెల్ తను చేసే విస్కీ, స్కాచ్ విస్కీని పోలి ఉందని, విస్కీ స్పెల్లింగ్‌లోని ‘ఇ’ని తీసేసి దానికి కాపీరైట్ తీసుకున్నాడు. బార్లీ, రై, కార్న్‌లతో రెండుసార్లు డిస్టిల్ చేసి, వైట్ ఓక్ బేరల్స్‌లో పనె్నండేళ్ళు పాతరేసిన ఈ విస్కీకూడా బాగా ప్రాచుర్యం పొందింది. ఐతే ఇది అన్ని దేశాల్లో లభ్యంకాదు.
9. టెకూలా- మెక్సికో
మెక్సికోలోని టెకూలా ప్రాంతంలోని ‘బ్లూఅజేవ్’ అనే మొక్కని ఫెర్మెంట్ చేసి చేసే టెకూలా పారదర్శకంగా ఉండే లిక్కర్. ఓక్ కాస్క్‌లో పాతరేసిన దీంట్లో ఆల్కహాల్ శాతం ఎక్కువ (38-40%) మెక్సికో చట్టం ప్రకారం ఎర్రటి అగ్నిపర్వత బూడిదగల భూమిలో పండే బ్లూఅజేవ్ నుంచే దీన్ని తయారుచేయాలి. ఇతర దేశాల్లో దీన్ని తయారుచేయకుండా మెక్సికో దీనికి ఇంటర్నేషనల్ కాపీ రైట్స్‌ని తీసుకుంది. పదహారో శతాబ్దంలో కనిపెట్టబడ్డ దీంట్లో అయిదారు రకాలున్నాయి.
10. ఓడ్కా- పోలెండ్
బంగాళాదుంపలు, లేదా రైస్టార్చ్‌తో తయారుచేసే ఈ లిక్కర్ తాగితే పెద్దగా హేంగోవర్ ఉండదు. 16వ శతాబ్దంనుంచి దీన్ని పోలెండ్‌లో తయారుచేస్తున్నారు. ప్రతీ బాటిల్‌లో ఓ రకం గడ్డిపోచని ఉంచి బాటిల్ చేయడం ఆనవాయితీ.

ashlesha

శూన్య బంగారం... '' పరుసవేది '' అల్‌కెమీ అంటే పరుసవేది. సువర్ణ శాస్త్రం. బంగారాన్ని తయారుచేసే ప్రక్రియ.

అల్‌కెమిస్ట్ అంటే రసాయనాల ద్వారా బంగారాన్ని తయారుచేయగలిగిన వాడు. అల్‌కెమీ అంటే పరుసవేది. సువర్ణ శాస్త్రం. బంగారాన్ని తయారుచేసే ప్రక్రియ. అల్‌కెమిస్ట్ నవలలో శాంటియాగో అనే గొర్రెలకాపరి బంగారాన్ని అన్వేషిస్తూ ప్రయాణం ప్రారంభిస్తాడు. బంగారాన్ని తయారుచేసే విద్య తెలుసుకున్నాడా? భూమికి గురుత్వాకర్షణ శక్తి ఉందని కనుగొన్నవాడు సర్ ఐజాక్ న్యూటన్. మూడు వందల ఏళ్ల కిందట... న్యూటన్ కూడా బంగారాన్ని సృష్టించవచ్చని నమ్మాడు. కాని బంగారాన్ని సృష్టించగలిగాడా? ఇంకా పూర్వం... ఆరు వందల ఏళ్ల కిందట... వేమన పరుసవేది విద్యను ఔపోసన పట్టాడన్నారు. వేమన రాసిన పద్యాల్లో పరుసవేది విద్యకు సంబంధించిన రహస్య సమాచారం నిక్షిప్తమై ఉందని భావించారు. నిజంగా వేమన బంగారాన్ని తయారు చేయగలిగాడా? మనిషి బంగారాన్ని సృష్టించగలడా? బంగారాన్ని మనం తయారుచేయగలమా? పరుసవేది విద్య... నిజమేనా? ఒట్టి నమ్మకమేనా? లేక శూన్యమేనా?

బంగారాన్ని ల్యాబ్‌లలో తయారుచేయడం అనే ఆలోచనను సైన్సు ఒప్పుకోదు. అదసలు జరిగే పనే కాదంటారు సైంటిస్టులు. అందుకు వాళ్లు చెప్పే రీజనింగ్ వేరే.

బంగారం. ఆ మాట వింటేనే ఎవరికయినా మనసు మెరుస్తుంది. ఒళ్లంతా బంగారం అవ్వాలనుకుంటారు మగువలు. ఇల్లంతా బంగారం కావాలనుకుంటారు మగవారు. ముట్టుకుంటే రాయి కూడా బంగారమైపోవాలన్నది చాలామంది కల. మిడాస్ టచ్ కథ అలా పుట్టిందే. బాబాలూ, స్వామీజీలు గాల్లో చేతులు ఊపి బంగారు గొలుసులు, ఉంగరాలూ సృష్టిస్తే మనకు ఆశ్చర్యం. ఇంటి పెరట్లో బంగారు నగలు దొరుకుతాయంటూ ఆశలు రేపి మోసాలు చేస్తుంటారు మంత్రగాళ్లు. ఎంత బంగారం ఉంటే అంత సంపద. ఎంత లేకపోతే అంతకు అన్నింతల ఆశ. బంగారాన్ని మనిషి కనుగొన్న నాటి నుంచి, బంగారం గొప్పదనాన్ని తెలుసుకున్న నాటి నుంచి, దాన్ని ఆభరణంగా వాడటం మొదలుపెట్టిన నాటి నుంచి బంగారం అంటే మనిషికి అపరిమితమైన వ్యామోహం.

ఇప్పుడూ అప్పుడూ కాదు... లక్షల సంవత్సరాలుగా బంగారం మీద మనిషికి తరగని మమకారం. కాని ఏం లాభం? మనిషికి ఆశ ఉన్నంతగా ఈ భూమి మీద బంగారం లేదు. మనిషి బంగారాన్ని కనుగొన్న నాటి నుంచి 2009 వరకూ వెలికి తీసిన బంగారం మొత్తం లక్షా 65 వేల టన్నులు. అయినా కూడా ఈ బంగారం సరిపోదు. ఇంకా బంగారం కావాలి. బతుకంతా బంగారుమయం కావాలి. కొన్ని యుగాలుగా మనిషిని వీడని ఆశ! ఈ ఆశకు ఫలితమే పరుసవేది. బంగారాన్ని తయారుచేసే విద్య.

ఆనాటి ఈజిప్టు, మెసొపటేమియా, పర్షియా, చైనా, జపాన్, కొరియా, గ్రీకు, రోమన్, ఆధునిక యూరప్ దేశాలలో శతాబ్దాలుగా రసాయన శాస్తవ్రేత్తలు బంగారాన్ని తయారుచేయడానికి కృషి చేస్తున్నారు. ఈ ప్రక్రియనే అల్‌కెమీ అంటారు. మనం పరుసవేది అంటున్నాం. ఐదు వేల సంవత్సరాల కిందట పరుసవేది ద్వారా బంగారాన్ని తయారుచేసేవారు అనే కథలున్నాయి. ఒక్కోసారి ఊహలు నిజమవుతాయనిపిస్తాయి. అప్పట్లో అది సాధ్యమని చాలామంది శాస్తవ్రేత్తలు భావించారు. శ్రమించారు.

బంగారాన్ని మనిషి తయారుచేయవచ్చన్న ఆలోచన అప్పట్లో ఎంత బలంగా ఉందంటే, సర్ ఐజాక్ న్యూటన్ లాంటి గొప్ప సైంటిస్టు కూడా పరుసవేది ద్వారా బంగారాన్ని తయారుచేయడానికి ప్రయోగాలు చేశాడు. 17వ శతాబ్దానికి సంబంధించిన యోగి వేమన కొద్దిరోజులు యోగ విద్య నేర్చుకుని పరుసవేది ప్రయోగాలు చేశాడని కథలున్నాయి. ఆ బంగారు సృష్టికి సంబంధించిన విద్య రహస్యాలను ఆయన పద్యాల్లో నిక్షిప్తం చేశాడన్న ప్రచారం ఉంది. దీనితో చాలా కాలంగా వేమన పద్యాల్లో నిగూఢ అర్థాలేమయినా ఉన్నాయా? అనే విషయం మీద పరిశోధనలు సాగుతూనే ఉన్నాయి.

‘‘ఉప్పు చింతకాయ ఊరిలోనుండగ...
కరువదేల వచ్చు కాంతలారా...’’
...లాంటి పద్యాల్ని డీకోడ్ చేయడానికి ప్రయత్నించిన దాఖలాలూ ఉన్నాయి. కాని ఇదంతా నిజమేనా? సాధ్యమేనా? లేక ఒట్టి అభూతకల్పనా? బంగారాన్ని తయారుచేయడం సైన్సా? ఫిక్షనా?

దుస్సాధ్యం... అంటుంది సైన్సు. బంగారాన్ని ల్యాబ్‌లలో తయారుచేయడం అనే ఆలోచనను సైన్సు ఒప్పుకోదు. అదసలు జరిగే పనే కాదంటారు సైంటిస్టులు. అందుకు వాళ్లు చెప్పే రీజనింగ్ వేరే.
బంగారం... అంటే గోల్డ్... దీనినే లాటిన్‌లో అరమ్ అంటారు. గోల్డ్ కూడా ఒక కెమికల్ ఎలిమెంట్. దాని సింబల్ అఠ. గోల్డ్ అటామిక్ నెంబర్ 79. బంగారం విశిష్టత ఏమిటంటే, దీనికి కెమికల్ రియాక్షన్స్‌ని తట్టుకుని నిలబడే శక్తి ఎక్కువ ఉంటుంది. మిగతా లోహాలతో తేలికగా కలిసిపోగలుగుతుంది. కెమికల్‌గా గోల్డ్ ఒక ఎలిమెంట్ అయినప్పుడు... దాన్ని సృష్టించడం ఎలా సాధ్యమవుతుంది అని ప్రశ్నిస్తారు సైంటిస్టులు. ప్రకృతిసిద్ధంగా తయారయిన కొన్నింటినే మూలకాలు గుర్తించారు. ఇనుము ఒక మూలకం... వెండి, కాంస్యం, హైడ్రోజన్, కార్బన్, నైట్రోజన్, ఆక్సిజన్... ఇలా వేటికవే ప్రత్యేకమైన ఎలిమెంట్స్. ఇవి బేస్ ఎలిమెంట్స్. వాటి సమ్మేళనం ద్వారా తయారుచేయగలిగేవే ఇతర రసాయనాలు లేదా లోహమిశ్రమాలు (అలాయ్స్). అలాంటి ఒక కెమికల్ ఎలిమెంట్ అయిన బంగారాన్ని సృష్టించడం మానవమాత్రుడికి సాధ్యం కాదు అన్నది సైంటిస్టుల వాదన. అందుకే ఇంతవరకూ పరుసవేది ద్వారా బంగారాన్ని ఎవ్వరైనా సృష్టించారు అంటే అది నమ్మనవసరం లేదని అంటారు వారు. మరి ఇంతకాలం మనం విన్న పరుసవేది కథలన్నీ పుక్కిటి పురాణాలేనా?

ప్రపంచం రోజురోజుకూ పెరుగుతోంది. మనుషుల సంఖ్య పెరుగుతోంది. అవసరాలు పెరుగుతున్నాయి. బంగారం ఎంత ఉంటే అంత సంపద. ఇది ఒక్క మనిషికో, కుటుంబానికో సంబంధించినది మాత్రమే కాదు. ఒక దేశానికి ఎంత బంగారు నిల్వలు (గోల్డ్ రిజర్వ్) ఉంటే అంత సంపన్న దేశంగా గుర్తింపు ఉంటుంది. బంగారానికి కొన్ని యుగాలుగా ఉన్న డిమాండు ఇంకొన్ని యుగాలయినా ఉంటుంది. బంగారం మీద మనిషికి ఆశ కొనసాగుతుంటుంది. టెక్నాలజీ పెరుగుతోంది, మనిషి మేధస్సు పెరుగుతోంది, కాబట్టి బంగారాన్ని తయారుచేయడానికి మనిషి మార్గాలు అన్వేషిస్తూనే ఉంటాడు. కాని ఎప్పటికయినా మనిషి పరుసవేది విద్యను నిజం చేయగలుగుతాడా? బంగారాన్ని సృష్టించగలుగుతాడా?

ఏమో... బహుశా పరుసవేది ద్వారా బంగారాన్ని తయారుచేయడం సాధ్యపడొచ్చు అనే వాళ్లూ ఉన్నారు. అందుకు శాస్ర్తీయంగా వాళ్లు చెప్పే కారణాలూ సహేతుకంగానే ఉన్నాయి. బంగారం ఒక రసాయనమూలకం. ఇది కొన్ని బంగారు అణువుల సముదాయంగా ఉంటుంది. కొన్ని చౌకయిన లోహాలు, మిశ్రమాల ఎలిమెంట్లను సబ్‌అటామిక్ స్థాయిలో బ్రేక్ చేయగలిగి, వాటి ద్వారా బంగారుఅణువు తయారుచేయగలిగితే, ఆ లోహాలు లేదా మిశ్రమాలు బంగారంగా మారే అవకాశం ఉంటుందన్నది కొందరు సైంటిస్టుల వాదన. అయితే, అలా చేయడానికి ఒక న్యూక్లియర్ రియాక్టర్ అంతటి భారీ పరిమాణంలో సౌకర్యాలు ఏర్పాటు చేయాలి. అంత కష్టపడి బంగారాన్ని సృష్టించడం కన్నా బంగారాన్ని ఎంత ధరయినా పెట్టి కొనడమే చౌక. అంటే.. పరుసవేది విద్య నిజం కావచ్చనే సూచనలు ఉన్నట్టేగా! బహుశా ఈ దిశగా ఇంకొన్ని ప్రయోగాలు జరిగితే మనిషి ఏనాటికయినా బంగారాన్ని సృష్టించగలుగుతాడా? ఇప్పటికంటే పూర్వకాలమే టెక్నాలజీ ఇంకా అభివృద్ధి చెంది ఉంటుందా? ఇవి సమాధానం దొరకని ప్రశ్నలు.

పరుసవేది విద్య గురించి కేవలం శాస్తవ్రేత్తలు మాత్రమే కాదు, సన్యాసులు, బౌద్ధులు, వేదాంతులు కూడా మాట్లాడారు. దీనితో వేదాల్లోనూ, పూర్వకాలపు శాస్ర్తాల్లోనూ పరుసవేది రహస్యాలు నిక్షిప్తమై ఉంటాయని నమ్మి మళ్లీ చాలామంది పరిశోధనలు చేశారు. అంత జ్ఞానాన్ని మధించిన తర్వాత వాళ్లకు ఒక విషయం మాత్రం స్పష్టమయింది. వేదాంతులు, ఫిలాసఫర్లు చెప్పే పరుసవేదికి మాత్రం ఇక్కడ అర్థం వేరు. మనిషి బంగారాన్ని తయారుచేయడం కాదు. మనిషే బంగారంగా మారాలంటారు వాళ్లు. ఇక్కడ పరుసవేది... మనస్సుకు సంబంధించిన విద్య. మంచి మనసు కన్నా బంగారం ఏముంటుంది?

విద్యంటే... ఇదే బంగారం!
ప్రఖ్యాత రచయిత పాలో కొయెలో రాసిన ‘ద అల్‌కెమిస్ట్’ (తెలుగులో పరశువేది)లో చెప్పిందీ ఇదే. బంగారానికి సంబంధించిన ఇంకొన్ని కథలు చెప్పిందీ ఇదే. అలాంటి ఓ తాత్త్వికమైన కథ ఇది.
అనగనగా ఒక ఊళ్లో... ఓ అందమైన యువకుడు. అతనికి కొత్తగా పెళ్లయింది. అబ్బాయి మంచివాడే కాని అతనితో ఒక్కటే సమస్య. పగలూ, రాత్రి అతడు పరుస వేది ప్రయోగాలు చేస్తూ గడిపేస్తున్నాడు. అతని భార్య కలవరపడిపోయింది. ఇల్లు గడవడమే కష్టమయిపోతోంది. ఉద్యోగం చేయమంటే వద్దంటున్నాడు. బంగారాన్ని సృష్టించి ఈ ప్రపంచంలోనే అత్యంత ధనవంతుడిని అయిపోతానంటున్నాడు.
అమ్మాయి వెళ్లి తన తండ్రి దగ్గర గోల పెట్టింది. మీ అల్లుడుగారిని మార్చండి అంటూ ప్రాథేయపడింది. అప్పుడు మామగారు అల్లుడి దగ్గరకు వెళ్లారు. కాని ఆయన మందలించలేదు.

‘‘బాబూ... నిన్ను చూస్తే ముచ్చటగా ఉందయ్యా... చిన్నతనంలో నేను కూడా పరుసవేది ప్రయోగాలు చేశాను. బంగారాన్ని తయారు చేసే ఫార్ములా కనుక్కున్నాను. అది నీకు చెప్పాలని ఉంది...’’ అన్నారు. అబ్బాయి మొహం వికసించింది. చెప్పండన్నాడు ఆత్రుతగా.
‘‘అరటిపండ్ల మీద ఏర్పడే తెల్లని ధూళి ఉంటేగాని నీ ప్రయోగం ఫలించదు... కాని అందుకు రెండు టన్నుల ధూళి కావాలి..’’ చెప్పాడు మామగారు. అబ్బాయి ఆలోచించలేదు. వెంటనే పొలంలో అరటి తోట వేశాడు. తనే దగ్గరుండి తోటను చూసుకున్నాడు. చక్కని పంట పండించాడు. ధూళితో మామగారి దగ్గరకు వెళ్ళాడు.
‘‘ఇది అవసరం లేదయ్యా... నువ్వు ఇప్పటికే బంగారాన్ని సాధించావు’’ అన్నాడు చల్లగా.
అబ్బాయి ఆశ్చర్యపోయేలోపే... పక్కనుంచి అమ్మాయి వచ్చింది. ఆమె రెండు సంచుల నిండా బంగారం కాసుల్ని అతని ముందు బోర్లించింది. అప్పుడు మామగారు చెప్పారు...
‘‘నువ్వు శ్రమపడి పండించిన అరటిపండ్లను అమ్మాయి అమ్మి ఇంత సొమ్ము సంపాదించింది. ఇదేనయ్యా... పరుసవేది...’’ అన్నారు. అబ్బాయికి జ్ఞానోదయం అయింది.

- సతీశ్ కుమార్